Eth Patronat de Torisme dera Deputacion de Lhèida ei ua entitat de promocion toristica, creada en 1989 tara gestion dera aufèrta toristica des comarques de Lhèida: ua tèrra privilegiada e amabla entà gaudir tot er an d'ua grana diversitat d'espòrts, d'ua cultura singulara, d'ua gastronomia autoctòna e d'un torisme rurau, eth lotjament mès autentic dera nòsta tèrra.
Per tot eth territòri trobam ua plan importanta e variada mòstra d'art e arquitectura, ena quau se recuelh era concentracion d'art romanic mès importanta d'Euròpa, declarada pera UNESCO Patrimòni Mondiau: era Val de Boí.
Ath delà, Lhèida ei considerada ena avantgarda en Estat en espòrts d'aventura, damb mès de 150 empreses especializades e era celebracion de campionats deth mon (caiac, parapent, ala dèlta, piragüisme...), coma tanben ua tèrra d'excepcionau beresa tàs afeccionadi ara natura (senderisme, SGR, BTT, passejades a shivau, practica dera pesca e caça...).
Gràcies ara sua diversitat d'espacis naturaus, tamb er unic Parc Nacionau de Catalonha, Aigüestortes e Estanh de Sant Maurici, es sòns cabalosi arrius ideaus entara practica deth rafting e es mès de 500 lacs entà conéisher, Lhèida ei plia de còrners entà descorbir e compartir, tamb es amics o tamb era familha, es emocions mès susprenentes.
Demoram que gaudísquetz d'ua bona navegacion e trobetz era vòsta destinacion de vacances!
|
